Бүгүн, 22-ноябрда Кыргыз Республикасынын Жогорку Кеңешинин Төрагасы Нурланбек Шакиевдин Түркия Республикасындагы расмий иш сапары Мустафа Кемал Ататүрктүн күмбѳзүнѳ гүлчамбар коюу менен башталды.
Андан соң Жогорку Кеңештин Төрагасы мавзолейдин Ардак китепчесине каалоо-тилектерин жазып, калтырды. Ошондой эле делегация Боштондук согушуна арналган музейди көрүштү.
Белгилей кетсек, Төрага Нурланбек Шакиев баштаган парламенттик делегация Түркия Республикасынын Улуу Улуттук жыйынынын Төрагасы Мустафа Шентоптун чакыруусу менен Анкара шаарына расмий иш сапары менен барды. Делегациянын курамында Жогорку Кеңештин Төрагасынын орун басары Нурланбек Азыгалиев, депутаттар Алишер Козуев, Акылбек Түмөнбаев, Улан Примов, Мурадил Сыдыков, Русланбек Жакышов, Айбек Маткеримов, Гүлкан Молдобекова, Ырысбек Атажанов, Динара Ашимова, Улан Бакасов, Эльдар Сулайманов бар.
Коомчулук жана ЖМК менен иштөө бөлүмү