“Кыргыз Республикасынын Салык кодексине толуктоо жана өзгөртүүлөрдү киргизүү жөнүндө” Кыргыз Республикасынын мыйзам долбоору 2017-жылдын 20-январынан тартып коомдук талкууга коюлат

Демилгечилер:  Жогорку Кенештин депутаттары А.Арапбаев, У.Примов, А.Жапаров

Сунуш-пикирлерди төмөнкү  телефон номурлары аркылуу билдирсениздер болот: (0312) 63-86-01

Эл. дареги: ayupof23@gmail.ru

Каттоо  № 6-1291/17      19.01.2017

Жогорку Кеңештин Басма сөз кызматы

Долбоор

Кыргыз Республикасынын Мыйзамы

Кыргыз Республикасынын Салык кодексине толуктоо жана өзгөртүүлөрдү киргизүү жөнүндө

1-берене.

Кыргыз Республикасынын Салык кодексине (2008-жылдын 17-октябрындагы N 230) төмөнкүдөй өзгөртүүлөр киргизилсин:

287-берененин 1-бөлүгүнүн он экинчи-он жетинчи саптары төмөнкүдөй редакцияда берилсин:

2-берене.

Бул мыйзам 2018-жылдын 1-январынан тартып күчүнө кирет.

Кыргыз Республикасынын Президенти

Кыргыз Республикасынын «Кыргыз Республикасынын Салык кодексине толуктоолорду жана өзгөртүүлөрдү киргизүү жөнүндө» мыйзамынын долбооруна карата

маалымкат-негиздеме

Кыргыз Республикасынын мыйзам долбоору мамлекеттик бюджеттин киреше бөлүгүн толуктоо максатында, 2014-жылдын 29-майындагы Евразия экономикалык биримдиги жөнүндө Келишиминин (мындан ары –Келишим) «Салык салуу чөйрөсүндөгү мүчө-мамлекеттердин өз ара аракеттенишүү принциптери» аталышындагы 71-беренесинин жоболорун, ошондой эле Келишимдин XVII бөлүмү жана Товарларды экспорттоо жана импорттоо, иштерди аткаруу, кызматтарды көрсөтүү учурунда кыйыр салыктарды алуу тартиби жана алардын төлөнүшүн көзөмөлдөө механизми жөнүндө протоколдо (Келишимге карата №18 тиркеме) каралган тартипти эске алуу менен иштелип чыгарылган.

Кыргыз Республикасынын мыйзам долбоору тамекилерге, фильтрлүү жана фильтрсиз сигареттерди, сигариллаларды жана сигараларды кошо алуу менен, ошондой эле тамеки буюмдарына карата акциздик чендердин беш жылга (2018-жылдан тартып 2022-жылга чейин) каралган жогорулоосун Евразия экономикалык бирлиги мүчө-мамлекеттеринин тамеки продукциясына карта акциздер тармагындагы салык саясатын жүргүзүү принциптери жөнүндө Макулдашуу долбоорун эске алуу менен белгилейт.

Кыргыз Республикасынын мыйзам долбоору фильтрлүү жана фильтрсиз сигареттерге карата акциз салыгынын чендерин төмөнкү өлчөмдөрдө унификациялоону белгилейт:

Сигараларга, сигариллаларга, тамеки камтыган буюмдарга Мыйзам долбоору тарабынан жылына 10-12% өсүш каралган.

Алдын ала эсептөөлөр боюнча, акциз салыгынын чендеринин сунушталуучу жогорулоосу мамлекеттик бюджеттин кирешелерин 2018-жылы 938 млн сомго, жана 2022-жылы чейин жыл сайын 947,2 млн. сомго жогорулатууга мүмкүндүк берет.

Белгилей кетүү керек, акциз чендерин жогорулатуу деңгээли ЕАЭБнын мүчө-мамлекеттеринде белгиленген өсүш тенденцияларына жакындатылган, бул бюджеттин киреше бөлүгүн контрабанда продукциясынын көбөйүү тобокелдигисиз жогорулатуу потенциалын пайдаланууга мүмкүндүк берет, ошондой эле Кыргыз Республикасынын катышуусу менен бирдиктүү интеграциялык экономикалык мейкиндикти түзүүгө оң таасирин көрсөтөт.

Азыркы мезгилде, ЕАЭБ өлкөлөрүндө акциздик салыкты гармонизациялоонун алкактарында Армения Республикасы жыл сайын 15% көтөрүлүүнү эсепке алуу менен жакынкы 5 жылга чендерди бекиткен. Казакстан Республикасында дагы ошондой эле  ЕАЭБ өлкөлөрүндөгү гармонизациялоонун минималдуу чегин эске алуу менен Салык Кодексине түзөтүүлөр кабыл алынган. Сунушталып жаткан акциз чендеринин жогорулоосу ЕАЭБнын алкактарында тамеки продукциясына карата акциздер чендерин жакынкы 5 жыл ичинде жакындаштыруу жолу менен экономикалык интеграцияны тереңдетүү үчүн жагымдуу шарттарды камсыздоого, тамеки продукциясы тармагында атаандаштык чөйрөнү түзүүгө жана Кыргыз Республикасынын тамеки рыногун контрабанда жана контрафакт продукциясынан коргоого мүмкүндүк берет.

Мында белгилей кетүү керек, акциздик салык мамлекеттик бюджетти толтуруу булагы гана болуп кызмат өтөбөстөн, социалдык зыяндуу товарларды колдонууну кыскартуу зарылдыгынан улам пайда болгон социалдык функцияны дагы аткарат. Сунушталып жаткан чендердин жогорулоосу, алдын ала эсептөөлөр боюнча  сигареттер баасындагы акциздик салыктын үлүшүн жогорулатууга шарт түзөт, бул Кыргыз Республикасы анын тарабы болуп саналган Бүткүл дүйнөлүк Саламаттыкты сактоо уюмунун тамекиге каршы күрөш боюнча Алкактык Конвенциясынын баа жана салык саясаты бөлүгүнүн сунуштарына шайкеш келип турат.

Ушул долбоордун аракети терс социалдык, экономикалык, укук коргоочу, гендерлик, экологиялык жана коррупциялык кесепеттерге алып келбейт. Ушуга байланыштуу, экспертизалардын адистештирилген түрлөрүн өткөрүү талап кылынбайт.

Ушул мыйзам долбоорун укуктук жөнгө салуунун максаттары, милдеттери жана предмети Кыргыз Республикасынын мыйзамдарына каршы келбейт, ошондой эле Кыргыз Республикасынын Жогорку Кеңешинин 2006-жылды 8-июнундагы № 1064-III токтому менен бекитилген Мыйзам чыгаруу техникасы боюнча нускамада белгиленген тартиптердин талаптарына шайкеш келип турат.

Коомдук талкуулоону камсыздоо жана Кыргыз Республикасынын «Кыргыз Республикасынын ченемдик укуктук актылары жөнүндө» Мыйзамынын 22-беренесин ишке ашыруу үчүн, ушул мыйзам долбоору Кыргыз Республикасынын Жогорку Кеңешинин расмий сайтында жайгаштырылган (www.kenesh.kg).

Сунушталуучу мыйзам долбоору мамлекеттик бюджеттен кошумча чыгашаларды талап кылбайт.

Аракеттеги улуттук жана эл аралык мыйзамдардын ченемдерине жүргүзүлгөн талдоонун жыйынтыктары боюнча сунушталган мыйзам долбоорунун ченемдери аракеттеги ченемдик укуктук актыларга каршы келбейт.

Жогоруда айтылгандарга байланыштуу сунушталуучу мыйзам долбоорун колдоп берүүнү өтүнөбүз.

Депутаттар:                                                                                      А.Арапбаев

                                                                                                          У.Примов

                                                                                                          А.Жапаров

Кыргыз Республикасынын «Кыргыз Республикасынын Салык кодексине толуктоолорду жана өзгөртүүлөрдү киргизүү жөнүндө» Мыйзамынын долбооруна карата

салыштырмалуу таблица