Түз
эфир
Кыргыз Республикасынын Мыйзамынын долбооруна
Кыргыз Республикасынын Жогорку Кеңешинин
Отун-энергетикалык комплекси жана жер казынасын пайдалануу боюнча комитетинин
2019-жылдын 24-декабрындагы
КОРУТУНДУСУ
2019-жылдын 8-октябрында Комитеттин пикирлерин эске алуу менен, Кыргыз Республикасынын жана Азия өнүктүрүү банкынын (“Үч-Коргон ГЭСин реабилитациялоо” долбоору) ортосунда Кредиттик макулдашуу долбоору жана Кыргыз Республикасынын жана Азия өнүктүрүү банкынын (“Үч-Коргон ГЭСин реабилитациялоо” долбоору) ортосунда Гранттык макулдашуу долбоору жактырылган.
"2019-жылдын 1-ноябрында Бишкек шаарында кол коюлган Кыргыз Республикасынын жана Азия өнүктүрүү банкынын ортосунда Кредиттик макулдашууну (“Үч-Коргон ГЭСин модернизациялоо” долбоору) жана Кыргыз Республикасынын жана Азия өнүктүрүү банкынын ортосунда Гранттык макулдашууну (“Үч-Коргон ГЭСин модернизациялоо” долбоору) ратификациялоо жөнүндө" Кыргыз Республикасынын Мыйзамынын долбоору жогоруда белгиленген макулдашууларды күчүнө киргизүү боюнча мамлекеттик ички жол-жоболорду аткаруу максатында иштелип чыкты.
Азия өнүктүрүү банкы (мындан ары – АӨБ) тарабынан, долбоорго толугу менен колдоо көрсөтүлгөн, өз кезегинде Үч-Коргон ГЭСин модернизациядан өткөрүү максатында техникалык-экономикалык негиздемеси (ТЭН) гранттык негизинде даярдалган.
ТЭНге ылайык, Үч-Коргон ГЭСин модернизациялоонун суммасы 160 млн. АКШ долларын түзөт, алардын көбүнчөсү электр механикалык жабдууларды жана гидроагрегаттарды алмаштырууга, гидротехникалык курулмаларды реконструкциялоого, ГЭСтин суу сактагычын чөгүндүлөрдөн тазалоого, ошондой эле Үч-Коргон ГЭСинин тосмосун бекемдөөгө багытталат.
Көңүл буруучу жагдай, бул 100 млн. АКШ доллары (долбоордун жалпы суммасынын 62,5%), Токтогул ГЭСин реабилитациялоо боюнча долбоорлордун алкагында сатып алууларды ийгиликтүү жүргүзүүнүн эсебинен пайда болуп, үнөмдөлгөн каражаттардан каржыланат.
Ушул үнөмдөлгөн каражаттар төмөнкү шарттарда жаңы карыз түрүндө берилип жатат:
|
Долбоордун жалпы пландалган наркы, |
160 млн. АКШ доллары |
|
Донорлор |
- АӨБ - ЕТӨФ (Евразиялык турукташтыруу жана өнүктүрүү фонду) |
|
АӨБ салымынын суммасы |
100 млн. АКШ доллары, алардын ичинен: 40 млн. АКШ доллары– грант 60 млн. АКШ доллары – кредит |
|
Кредиттин мөөнөтү |
32 жыл, жеңилдетилген мезгил – 8 лет |
|
Пайыздык ставкасы |
1% жеңилдетилген мезгилдин ичинде, |
|
Төлөө мезгилдүүлүгү |
Бир жылда 2 жолу тең төлөмдөр менен |
|
ЕТӨФ кредити (маалымат үчүн) |
45 млн. АКШ доллары (100% кредит) |
|
Кредиттин мөөнөтү |
20 жыл, жеңилдетилген мезгил – 8 лет |
|
Пайыздык ставкасы |
1% бардык мөөнөттүн ичинде |
|
КР Өкмөтүнүн кошо каржылоосу (салыктардан жана жыйымдардан бошотуу түрүндө) |
15 млн. АКШ доллары |
|
Ишке ашыруу мөөнөтү |
2019-2024 (5 жыл) |
АӨБ директорлор Кеңеши тарабынан “Үч-Коргон ГЭСин модернизациялоо” долбоорун каржылоо 2018-жылдын 15-октябрында жактырылган. Ошону менен бирге, Кыргыз Республикасынын Өкмөтүнүн фискалдык жана инвестициялык саясатынын Кеңеши тарабынан “Үч-Коргон ГЭСин модернизациялоо” долбоорун ишке ашырууга каражаттарды тартуу маселеси жактырылган (2018-жылдын 10-декабрындагы Кеңештин отурумунун № 16-133 Протоколу).
Кыргыз Республикасынын жана Азия өнүктүрүү банкынын ортосунда (Үч-Коргон ГЭСин модернизациялоо долбоору) Кредиттик жана Гранттык макулдашууларды, ошондой эле башка долбоордук иш-кагаздарды талкуулоо боюнча Кыргыз Республикасынын 2018-жылдын 7-декабрындагы № 432-т тескемеси менен түзүлгөн Кыргыз Республикасынын Өкмөтүнүн расмий делегациясы жана Азия өнүктүрүү банкынын өкүлдөрүнүн делегациясы 2018-жылдын 13-14-декабрь күндөрү расмий сүйлөшүүлөрдү өткөргөн. Сүйлөшүүлөрдүн жыйынтыгы боюнча макулдашуу долбоорлорунун тексти макулдашылган жана тиешелүү протоколго кол коюлган.
“Кыргыз Республикасынын эл аралык келишимдер жөнүндө” Кыргыз Республикасынын Мыйзамынын 8-беренесине ылайык, көрсөтүлгөн Кредиттик жана Гранттык макулдашуулардын долбоорлоруна кол коюлганга чейин, Кыргыз Республикасынын Жогорку Кеңешинин тиешелүү комитеттери тарабынан жана Кыргыз Республикасынын Өкмөтүнүн 2019-жылдын 28-октябрындагы № 408-т буйругу менен жактырылган.
2019-жылдын 1-ноябрында Бишкек шаарында Кыргыз Республикасынын жана Азия өнүктүрүү банкынын ортосунда Кредиттик жана Гранттык макулдашууларга (“Үч-Коргон ГЭСин модернизациялоо” долбоору) кол коюлган.
Жогоруда баяндалгандардын негизинде, Комитет төмөнкүдөй корутундуга келди:
1. "2019-жылдын 1-ноябрында Бишкек шаарында кол коюлган Кыргыз Республикасынын жана Азия өнүктүрүү банкынын ортосунда Кредиттик макулдашууну (“Үч-Коргон ГЭСин модернизациялоо” долбоору) жана Кыргыз Республикасынын жана Азия өнүктүрүү банкынын ортосунда Гранттык макулдашууну (“Үч-Коргон ГЭСин модернизациялоо” долбоору) ратификациялоо жөнүндө" Кыргыз Республикасынын Мыйзамынын долбоору жактырылсын.
2. Ушул корутундунун көчүрмөсү Кыргыз Республикасынын Жогорку Кеңешинин Эл аралык иштер, коргоо жана коопсуздук боюнча комитетине жөнөтүлсүн.
