Биздин партиялашыбыз Талант Турдумаматовичтин Кыргыз Республикасынын Жогорку Кеңешинин Төрагасы кызматынан кетүүсү боюнча билдирүү

Урматтуу мекендештер, бүгүн биздин партиялашыбыз Кыргыз Республикасынын Жогорку Кеңешинин Төрагасы кызматынан кетүү үчүн кыйын, бирок салмактуу чечим кабыл алды. Биздин фракция жана саясий партия Талант Турдумаматовичке өзүнүн кызматында жасаган зор эмгеги үчүн ыраазычылык билдирет, анын ар бир аракети бир гана иш-аракетке эмес, Кыргызстандын элинин кызыкчылыктарына кызмат кылууга негизделген. Анын өз өлкөсүнө болгон терең патриоттук сезимин жана анын саясий ишмердүүлүгүнө кошкон зор салымын баарыбыз билебиз. Биздин Республика башынан эң оор мезгилди өткөрүп жатканда Талант Турдумаматович Кыргыз Республикасынын Президентинин милдетин аткаруучу катары жетектегени жана кыска мөөнөттө чыңалган коомдук-саясий кырдаалды нормалдаштырганы эсибизде. Талант Турдумаматовичке ишеним көрсөтүп, тандап алган депутаттарыбызга ыраазычылык билдиребиз. Талант Турдумаматовичке саясий жана коомдук ишмердигинде мындан аркы ийгиликтерди, чың ден-соолук, жаңы жеңиштерге кажыбас эрк каалайм. Урматтуу Талант Турдумаматович, сиз менен сыймыктандык, сыймыктанабыз жана сыймыктана беребиз!