Жалал-Абад облусунун  Базар-Коргон районунда  Базар-Коргон шаарын  түзүү  тууралуу  мыйзам долбоору добуш берүүгө жөнөтүлдү

20-01-2021 13:24

Бүгүн, 20-январда  Жогорку Кеңештин жыйынында “Кыргыз Республикасынын  Жалал-Абад жана Ош областтарынын  айрым калктуу конуштарын  айыл  категориясына  киргизүү жөнүндө” жана “Кыргыз Республикасынын Жалал-Абад областынын  Базар-Коргон районунда  Базар-Коргон шаарын  түзүү  жөнүндө”  мыйзам долбоорлору экинчи окуудан каралды.

“Кыргыз Республикасынын  Жалал-Абад жана Ош областтарынын  айрым калктуу конуштарын  айыл  категориясына  киргизүү жөнүндө” мыйзам долбоору тарабынан  жалпы жонунан 17  калктуу конушту айыл категориясына  киргизүү  сунушталууда.

“Кыргыз Республикасынын Жалал-Абад областынын  Базар-Коргон районунда  Базар-Коргон шаарын  түзүү  жөнүндө”   мыйзам долбоору тарабынан Базар-Коргон  айыл аймагынын базасында административдик-аймактык бирдик катары Жалал-Абад облусунун  Базар-Коргон районунда  Базар-Коргон шаарын  түзүү   сунушталууда.

Базар-Коргон  шаарын түзүү үчүн  сунушталып жаткан аймак  12424 кожолукта  58842 адам жашаган, айыл макамына ээ эмес  5 айылды жана  6 калктуу конушту  бириктирип турат.

Мыйзам долбоорлору  экинчи жана үчүнчү окуудан добуш берүүгө жөнөтүлдү.

Жогорку Кеңештин басма сөз кызматы

Көрүүлөрдүн саны : 490

Окшош жаңылыктар