Данияр Аттокуров Ак-Шыйрак айыл өкмөтүндө болуп кайтты.

ЖКнын СДПК фракциясынын депутаты Данияр Аттокуров атайын иш сапар менен Ысык-Көл облусунун Жети-Өгүз районунун алыскы аймактарынын бири болгон Ак-Шыйрак айыл өкмөтүндө болуп кайтты.

    Анда депутат  Ак-Шыйрак эли менен жолугуп,  алардын  ар кандай суроо талаптарын, арыз даттанууларын   жакындан угуп,  АРИС долбоору аркылуу жаңы ачылып жаткан  заманбап ФАПтын  ачылышына катышты. ФАПтын ачылышына байланыштуу  жардам иретинде белек катары  1 компьютер, 1 коляска (майып машинкасы )  тапшырды. Мындан сырткары, эл өкүлү айылдын борбордук көчөсүнө “Жарык”  долбоордун алкагында 20  жарык бергич прожекторду берди.

    Ак-Шыйрак  айыл аймагы Жети-Өгүз  районунун борбору болгон Кызыл-Суу айылынан 270 чакырым  алыстыкта жайгашып,  климаттык шарты татаал,  дыйканчылык жүргүзүүгө мүмкүн болбогон аймакта жайгашкан.  Айыл өкмөтүнө караштуу 4 айыл; Кара-Сай, Ак-Шыйрак, Үч-Кошкон, Ыштык айылдары бар. Анда жалпы болуп  94 түтүн, 558 адам жашайт. Ак-Шыйрак айыл аймагы  Кытай Эл Республикасы менен чектеш жайгашкандыктан чек-араны кайтарууда Ак-Шыйрак, Кара-Сай чек ара заставалары  иш алып барышат.

СДПК парламенттик фракциясынын катчылыгы