ИӨБ Түндүк – Түштүк жолунун 24 чакырым жолун куруу үчүн 12 млн доллар каражат бөлөт

Жогорку Кеӊештин Эл аралык иштер, коргоо жана коопсуздук боюнча комитети Кыргыз Республикасы менен Ислам өнүктүрүү банкынын ортосундагы Түндүк –Түштүк альтернативдүү автожолунун 159-183 км реконструкциялоо долбоору боюнча Кредиттик макулдашууну жактырды.

Келишимге ылайык, Ислам өнүктүрүү банкы Жалал-Абад – Балыкчы багытындагы Түндүк – Түштүк жолунун 24 чакырым жолун куруу үчүн 12 млн доллар насыя каражатын бөлөт. Насыянын негизги бөлүгүн төлөө мөөнөтү 25 жыл, анын алгачкы 7 жылы жеӊилдетилген мөөнөт болуп саналат. Насыя 1,5 пайыздуу үстөгү менен берилүүдө.

КР ЖК Басма сөз кызматы