Биринчи соттогон адамдарды мурда соттолгон адамдардардан ажырым кармоо чаралары каралууда

22-12-2016 11:33

Жогорку Кеӊеште депутаттар тобу тарабынан сот реформасынын мыйзамдык базасын өркүндөтүү алкагында иштелип чыккан жаӊы Жазык-аткаруу кодексинин долбоору каралып, үчүнчү окууда добуш берүүгө жөнөтүлдү.

КР Жазык-аткаруу кодексинин долбоорун даярдоо жүрүшүндө соттолгон адамдардын көп учурда жумушсуз калары, социалдык жана үйбүлөлүк байланыштары үзүлөрү эске алынуу менен, эки максат коюлган – соттолгон адамды түзөтүү жана эркиндикке көндүрүү.

Ошондой эле, жаӊы кодекс долбооруна жазык-аткаруу мекемесине жаӊы усулдар киргизилип жатканы белгилүү болду. Биринчи институт – колония-конуш. Анын ишине карата коомчулук тарабынан нааразычылыктар көп экени эске алынып, андагы адамдардын санын эки эсе азайтылып, анда жабык колониядан которулуп келген жана жакын арада эркиндикке чыга турган адамдар гана кармалмакчы. Экинчи институтут – жалпы тартиптеги колония. Мында биринчи жолу соттолгон адамдар кармалат. Үчүнчү институт – катуулатылган тартиптеги колония. Анда мурда соттолгон адамдар кармалат. Ошентип, биринчи соттогон адамдар мурда бир нече соттолгон адамдардардан ажырым кармалмакчы.

Кодекс долбоору аркылуу соттолгон адамдарды кармоонун үч түрү – жөнөкөй, катуулатылган, жеӊилдетилген шарттар киргизилет. Андан сырткары, өзгөчө тартиптеги колонияда өмүр бою эркинен ажыратылган адамдар кармалат.

Эске салсак, Жогорку Кеӊештин өткөн чакырылышынын депутаттар тобунун демилгеси менен сот реформасынын алкагында бир катар кодекстер менен мыйзамдардын долбоорлору иштелип чыккан.

КР ЖК Басма сөз кызматы

Көрүүлөрдүн саны : 324

Окшош жаңылыктар